"Cavan Urban Fest 2021" layihəsinə qeydiyyat başlandı
"Cavan" İctimai Birliyinin növbəti layihəsi "Cavan Urban Fest"-in 27-28 noyabr 2021-ci il tarixlərində həyata keçirilməsi planlaşdırılır. "Cavan Urban Fest" layihəsinin əsas məqsədi müasir mədəniyyət və incəsənət sahələrinə marağı olan istedadlı gənclərin üzə çıxarılması və dəstəklənməsidir. İki gün boyunca keçiriləcək layihənin ilk günündə müvafiq mövzular üzrə ekspertlər tərəfindən vörkşoplar keçiriləcək, tədbirin ikinci günündə keçirilən vörkşoplar üzrə dans bətlları keçirilərək qaliblər mükafatlandırılacaqdır.
Layihənin proqramı aşağıdakı kimidir:
Tədbirin ilk günü (27 Noyabr)
- Dans seminarları
- "Street art" seminarları
Tədbirin ikinci günü (28 Noyabr)
- Dans batlları ("Art Styles" və "Breakdance" üzrə)
Seminarlar üçün ekspertlər:
- Emin Useynov ( Emus Nero) - "Jazz-Funk" rəqsi üzrə vörkşop (16+)
- Zəvvar Kərimov (B-boy Z-war) - "Breakdance" seminarı
- Aqil Quliyev (B-boy Question) - "Breakdance" seminarı
- Xəyal Əmrullazadə (Zico Firestar) - "Hip-hop" dans seminarı
- Ramil Məmmədli (Rayman) - "Hip-hop" dans seminarı
- Azər Məmmədli (Azy) - "Street art və qraffiti" seminarı
Layihədə iştirak üçün COVİD-19 passportu (iki doza vaksinasiya və ya immunitet sertifikatı) və minimum 14 yaşınızın olması tələb olunur.
Layihədə iştirak ÖDƏNİŞSİZDİR.
Tədbirin məlumat paketi ilə link vasitəsilə tanış ola bilərsiniz.
ÜNVAN: Yarat Müasir İncəsənət məkanı, Bayıl (Dövlət Bayraq Meydanı)
Son müraciət tarixi: 22 noyabr, saat 18:00
