Dizayn bacarıqlarınızı inkişaf etdirə biləcəyiniz Youtube Kanalları

Dizayn sahəsi ilə maraqlanırsızsa eləcə də bu sahədə daha çox məlumat toplamaq istəyirsizsə mütləq izləməli olduğunuz Youtube kanalları.

► PHLEARN  

Adobe Photoshop proqramı ilə bağlı asan yolları və proqramla işləməyi öyrədən Youtube kanalıdır. `30 days of Photoshop` təlim paketini ardıcıl olaraq izləməyiniz məsləhətdir. 

 

► Spoon Graphics  

Adobe Illustrator və Photoshop proqramlarını daha dərindən öyrənə biləcəyiniz və gələcək dizayn işlərinizdə kreativ ideyalar tapa biləcəyiniz Youtube kanallarından biridir.

 

► creatnprocess   

Adobe Photoshop və Illustrator proqramı haqqında videolar paylaşılan bu kanalın digərlərindən əsas fərqi  sadə yollarla ilə necə fərqli və müasir vizualların hazırlanmasını göstərməsidir. Xüsusilə  müxtəlif loqo dizaynlarının hazırlanması videoları diqqətinizi çəkə bilər.

 

► Dansky

Bu kanal vasitəsilə  vizual kontent hazırlanarkən istifadə edilən demək olar  bütün proqramlar haqqında maraqlı bilgilər qazana bilərsiz.

 

► DesignCourse

Xüsusilə istifadəçi interfeysi( UI) dizaynı və mobil aplikasiya dizaynı üzrə ixtisaslaşmaq istəyən dizaynerlər üçün faydalı kanallardan biridir.

 

► The Futur Academy - The Futur

Dizayn sahəsi ilə maraqlanan dostların çoxunun yaxşı tanıdığı kanallardan biridir. Qrafik dizayn və brendinq sahəsi üzrə olan masterklassları izləmək sizə çox şey qatacaqdır.

 

► Will Paterson

Qrafik dizayner olaraq brendinq və tipoqrafiya sahəsi üzrə mütəxəssis  şəxslərdən biridir. Dizaynerlərin proqram biliklərindən əlavə olaraq diqqət etməli məqamlar haqqında olan videoları marağınızı çəkə bilər.

 

► Howard Pinsky

Mobil aplikasiyalar və oyunlar sahəsində tanınan dizaynerlərdən biridir. Adobe XD proqramının incləliklərini bu kanal vasitəsilə öyrənə bilərsiz.

 

► tutvid

Qrafik dizayner və fotoqraf olaraq sizə fərqli və yaradıcı baxış bucağı qazandıracaq kanallardan bir digəri. Adobe Photoshop proqramını yaxşı bilsəniz belə bu kanaldan öyrənəcəyiniz yeni şeylər olacaqdır.

 

► Photoshop Training Channel

Adobe Photoshop proqramında peşəkarlığınızı artıracaq kanallardan bir digəri daha.

 

► Afgan Rasulov

İngilis dilində çətinlik yaşayanlar üçün qrafik dizayn sahəsində ən yaxşı youtube kanalı deyə bilərik. Asan izah şəkli ilə dizayn bacarıqlarınızı rahatlıqla  inkişaf etdirə biləcəksiz. Qrafik dizayndan əlavə olaraq müxtəlif mövzularda olan videoları da dünya görüşünüzü artıracaqdır.

 

► Tuncer Turna 

Türkcə qrafik dizayn öyrənə biləcəyiniz bir digər youtube kanalı. Həmçinin videolarında  reklamçılıqla əlaqəli də işinizə yarayacaq məlumatlar ala bilərsiz. 

 

► Школа веб-дизайна Максима Солдаткина

Adından da bəlli olduğu kimi, veb dizayn bacarıqlarını artırmaq istəyən və son trendlərlə maraqlanan rusdilli şəxslər üçün faydalı olacaq bir kanal.