Effektiv CV necə olmalıdır?

Tədqiqatlar göstərir ki, orta hesabla işə götürənlər namizədin rola uyğun olub-olmadığını müəyyənləşdirmədən əvvəl CV-yə baxmaq üçün cəmi yeddi saniyə sərf edirlər. Bu səbəbdən ilk təəssüratlar uğur üçün vacibdir, buna görə də CV-nizi digərlərindən fərqləndirməyiniz üçün altı sadə, lakin təsirli yol.

1. Güclü başlayın

Bacarıqlarınızın və əsas nailiyyətlərinizin xülasəsi ilə başlayın. Bu işə götürənin diqqətini çəkəcək. Profil CV-nin vacib bir hissəsidir və işə götürəndə tam olaraq kim olduğunuz haqqında fikir yaradır , buna görə də profil yazarkən düzgün təəssürat yaratmaq vacibdir.

 

Nümunə bir profil təsvirinə baxaq.

 

“Mən veb saytlarının dizaynı və məlumat bazaları yaradılması ilə bağlı geniş bir təcrübəyə sahib həvəsli, çalışqan və məsuliyyətli bir işçiyəm. Güclü texniki bacarıqlarımla yanaşı mükəmməl ünsiyyət bacarıqlarına sahibəm. İnformasiya texnologiyaları sektorundakı təcrübəm sayəsində qazandığım bacarığı inkişaf etdirmək və genişləndirmək üçün bu sahədə fəaliyyət göstərmək istəyirəm. ”

 

2. Məsuliyyətdən çox nəticəni vurğulayın

CV də işin təsviri hissəsində vəzifə öhdəliklərinizi qeyd etmək əvəzinə, öz nailiyyətlərinizi göstərmək üçün daha yaxşı nəticələrə gətirib çıxarır və CV-ni daha nəzərəçarpan edir. Məsələn, “X şirkəti üçün sosial media əlaqəsini artırmağa kömək etdim” demək əvəzinə “X şirkəti üçün sosial media əlaqəsini 38 faiz artırdım” yazın.

 

3. CV-nizi istədiyiniz işə uyğunlaşdırın

İş elanının tələblərinə birbaşa cavab verin və vakansiyaya ən uyğun namizəd olduğunuzu dəqiq izah edin. Bunu nailiyyətlərinizi iş rolunun elementləri ilə əlaqələndirərək edə bilərsiniz.

İşəgötürənlər namizədlərdən müraciət etdikləri rolu başa düşmələrini istəyirlər və bunu nə qədər çox göstərə bilsəniz, CV-niz bir o qədər fərqlənəcəkdir.

Xüsusilə çox sayda vakansiyaya müraciət edəcəksinizsə, CV yazmaq bir xeyli vaxtınızı ala bilər, ancaq bu istədiyiniz işi tapmağa kömək edəcəksə yoxlamağa dəyər.

 

4. CV-də dəyişiklikləri və inkişaf etdiyinizi vurğulayın

CV-də şəxsi inkişafınıza diqqət yetirməlisiniz. İcra etdiyiniz vəzifələrdə necə böyüdüyünüzü və dəyişdiyinizi və qazandığınız uğurları göstərin. Bu işə götürənə keçmiş vəzifələrinizdən çox şey öyrəndiyinizi və bacarıq dəstinizi öyrənməyə və genişləndirməyə meyilli olduğunuzu göstərəcəkdir.

 

5. Əlaqələrinizə sadiq olduğunuzu nümayiş etdirin

İstər universitetdə olsun, istərsə də keçmiş iş vəzifələrində bir sıra fərqli insanlarla tanış olmusunuz. Şəbəkə, güclü ünsiyyət bacarıqlarınıza sahib olduğunuzu göstərir və bu işəgötürənlərin çox dəyər verdiyi bir şeydir.

 

6. Sahə haqqında məlumatlı olduğunuzu göstərin

Müraciət etdiyiniz sahə barədə məlumatlı olma işə qəbul edənə trendləri izlədiyinizi və onlara uyğunlaşdığınızı göstərəcəkdir. Sahə barədə biliklərinizi nümayiş etdirə bilsəniz, işəgötürənlər üçün daha cəlbedici olacaqsınız, buna görə də hər hansı bir xəbər və sahə il bağlı dəyişikliklərdən xəbərdar olun. Müsahibə mərhələsinə gəldiyiniz təqdirdə bu sizə kömək edəcəkdir.

Bir çox şirkət müəyyən açar sözlərdən istifadə etməyən namizədləri filtrləmək üçün verilənlər bazası proqramından istifadə edir, buna görə iş təsvirini öyrəndiyinizə və işə götürənin nə axtardığını bildiyinizə əmin olun.

Mükəmməl CV yaratmaq kifayət qədər vaxt apara bilər, ancaq işəgötürənə nailiyyətlərinizi və bacarıqlarınızı göstərmək fürsətinizdir. İş təsvirini və sənayeni nə qədər çox öyrənsəniz, CV-nizi fərqləndirmək üçün daha yaxşı təchiz olunmuş olacaqsınız. Ümid edirəm bu CV tövsiyələri sizə kömək etdi və iş axtarmağınızda uğurlar!