Özünü təhlil niyə vacibdir?

      Təhlil bir şeyin dəyərini müəyyən etmək və ya qiymətləndirmək və məsələlərlə bağlı müvafiq mühakimə yürütmək üçün vacibdir. Özünü təhlil nə qədər inkişaf etdiyinizi yoxlamaq bacarığıdır.  Bu, fərdlərə öz işlərinə və ya qabiliyyətlərinə nəzarət etməyə, onların zəif və güclü tərəflərinin nə olduğunu öyrənməyə və müvafiq həlləri müəyyənləşdirməyə kömək edən bir bacarıqdır.
Özünü təhlilin məqsədi fərdə öz qabiliyyətlərinin dərəcəsini bilməsinə kömək etmək və performans dəyərləndirməsinə ehtiyac olmadan bacarıqları təkmilləşdirməkdir. 
Özünü təhlil bəzi təşkilatlarda işçinin rəsmi qiymətləndirilməsinin bir hissəsidir, bu zaman işçiyə il ərzində inkişaf üslubunu təqdim etməyə imkan verilir. Bəzi təşkilatlar buna o qədər də əhəmiyyət verməsələr də, bir çox şirkətlər bunu yüksək qiymətləndirirlər.

Özünü təhlilin əhəmiyyəti

Özünü təhlil peşəkarlarla yanaşı tələbələr üçün də vacibdir. Bu, əksər təşkilatlarda tətbiq olunduğundan, bu prosesi düzgün etməyi öyrənmək lazımdır. Özünü təhlil işçilərin formal qiymətləndirilməsinin bir hissəsi olmaqla yanaşı, hər bir peşəkarın şəxsi inkişafı üçün də vacibdir. Bəs özünün təhlilin üstünlükləri hansılardır? 

•    Özünü təhlil əlinizdəki imkanları görməyə kömək edir. İşlə bağlı qorxu və qeyri-müəyyənliyi aradan qaldırır və ya azaldır. 
•    Bu, işçiyə özünü qiymətləndirməyə, tez düzəlişlər etməyə və bacarıqlarını təkmilləşdirməyə imkan verir. Başqa sözlə, potensialın artırılmasını gücləndirir.
•    Özünü təhlil insanlara onlar üçün ən uyğun peşələri və ya təhsil proqramlarını seçməkdə kömək edir. Məsələn; dost olmayan və ya antisosial bir insan olduğunuzu bilsəniz, marketinq sahəsində karyeranın sizin üçün ən yaxşı seçim olmayacağı nəticəsinə gələ bilərsiniz.
•    Özünü təhlil təlim üçün istiqamət verir. Güclü və zəif tərəflərinizin nə olduğunu bildikdən sonra, karyera ehtiyaclarınıza ən uyğun olan düzgün repetitor və ya təlimləri seçə bilərsiniz.
•    Özünü təhlil fərdin öz qabiliyyətləri haqqında spesifik olan və onun xüsusi keyfiyyətlərini vurğulayan tərcümeyi-hal və motivasiya məktubları yazmağa kömək edir. 

Özünü təhlili necə effektiv şəkildə həyata keçirmək olar?
Özünü təhlil hər kəsin formalaşdıra biləcəyi sadə bir bacarıqdır. Bu bacarığı inkişaf etdirmək və təkmilləşdirmək üçün sistemli yanaşma tətbiq oluna bilər. 

Bu bacarığı inkişaf etdirməyə kömək edəcək bir neçə tövsiyəyə baxaq:

•    Suallar verin. Özünü təhlili həyata keçirmək üçün əsas tətbiq olunan bacarıqlardan biri sual verməkdir. Xüsusi və müvafiq suallar vermək bacarığınızı inkişaf etdirin. Siz dünyadakı hər şeyi sorğulaya və ya hər şeyə cavab tapa bilməzsiniz. Hər hansı məsələ ilə bağlı niyə, necə və hansı probleminiz olduğunu və ya uğur qazandığınız şeylərdə necə və niyə uğur qazandığınızı sorğulaya bilərsiniz. 
•    Dəqiq məqsədlərinizi yazın. Özünüzü dürüst və obyektiv təhlil etmək bütün prosesin ən çətin tərəfidir. İşinizin ən vacib aspektləri və ya məqsədləri üçün hədəfləri yazın və onların hər biri ilə müqayisədə performansınızı qiymətləndirin. Həqiqi performans və ya nəticələri ilin əvvəlində qoyduğunuz hədəflə müqayisə edin.
•    Şəxsi qiymətləndirmə sistemini inkişaf etdirin. Özünüz üçün qiymətləndirmə sistemi yaradın – rəsmi qiymətləndirmələr üçün qiymətləndirmə sistemlərindən istifadə edin. Məsələn; əgər siz bir satış işçisisinizsə, tələb olunan ən vacib bacarıq ünsiyyətdir və ən vacib vəzifə satış etməkdir. Bu bacarıqları əhatə edən qiymətləndirmə vərəqi tərtib edə bilərsiniz: Ünsiyyət 30%, özünə inam 30%, dostluq 30%, həvəs 10%. Sonda nailiyyətinizi müəyyən etmək üçün obyektiv vasitələrdən istifadə edin.