Sumqayıtda 2 aylıq təlimlər kursu: “Əsas Həyat Bacarıqları” proqramı!
Gənclər, yenidən “Əsas Həyat Bacarıqları” proqramına start verildi!
Sentyabr-oktyabr aylarını əhatə edən proqram çərçivəsində keçiriləcək təlimlər kursu sizin şəxsi inkişaf, özünə inam, stresə davamlılıq və məqsədlərinizi müəyyənləşdirməyə töhfə vermək məqsədi daşıyır.
Silsilə formada davam edən təlimlərin əsas mövzuları:
- Özünütanıma;
- Şəxslərarası münasibət;
- Düşünmə bacarıqları.
Təlimlər zamanı müxtəlif praktiki tapşırıqlar, master-klaslar, enercayzerlər təşkil olunacaq.
Ümumilikdə 2 ay davam edəcək proqram daxilində 16 mövzuda təlimlər baş tutacaq. Təlimlər interaktiv metodlarla keçiriləcək.
Son müraciət tarixi: 15 sentyabr 23:59
Qeydiyyatdan keçən gənclər müsahibə mərhələsinə dəvət olunacaq və qruplar formalaşdırılacaq.
Təlimlər 23 sentyabr tarixindən başlayacaq.
Qeyd: Təlimdə 14-18 yaş arası gənclər iştirak edə bilər.
İştirak etmək ödənişsizdir!
Qeyd edək ki, “Əsas Həyat Bacarıqları” proqramı Abşeron-Xızı Regional Gənclər və İdman İdarəsi və Gənclərin İnkişaf və Karyera Mərkəzinin Abşeron-Xızı regional nümayəndəliyinin birgə əməkdaşlığı ilə keçiriləcək.
