ugurlu-sexsi-serhedler-nece-formalasdirilir--

Uğurlu şəxsi sərhədlər necə formalaşdırılır

İnkişaf etdirilməli ən vacib şəxsi bacarıqlarından biri şəxsi sərhədləri müəyyənləşdirməkdir. Bu sizə ailə həyatınızda, iş yerinizdə, romantik münasibətlərinizdə və yox deməli olduğunuz və pis rəftardan qorunmağınız lazım olan hər vəziyyətdə kömək edəcək. Şəxsi sərhədlər həyatın bütün sahələrində vacibdir.

Bəzən daha sərt sərhədlərə ehtiyacınız olduğunu başa düşmək və ya onları tətbiq etmək çətin ola bilər. Ancaq bu vacibdir. Sərhədlər inandığınız şeylərə sadiq qalmağınıza və etmək istəmədiyiniz şeyləri müəyyənləşdirməyinizə kömək edir.

Sərhədlər əsas dəyərlərinizi və inanclarınızı qorumağa kömək edir. Bununla yanaşı, sərhədlər özünüzə inamı artırır və daha güclü hiss edirsiniz.

Bəs bu sərhədləri necə təyin edə bilərik?

Qəbul edə bilməyəcəyiniz bir şey varsa, hərəkətə keçin

Birinci strategiya qəbuledilməz hesab etdiyinizi şeyi müəyyənləşdirmək və onunla qarşılaşdıqda nə edəcəyinizi aydınlaşdırmaqdır. Bu zaman hadisə baş verdikdə onun öhdəsindən gəlmək daha asan olur. Hadisə baş verdiyi zaman öz standartlarınızı bildirməkdən və hər hansı bir addımı atmaqdan çəkinməyin.

Bunu ilk edən siz olun, digərləri də sizi izləyəcək

Sosial qrupunuzda və ya iş yerinizdə sərhədləri tətbiq edən ilk şəxs olmaq çətin ola bilər. Qrupdan fərqləndiyinizi hiss edə bilərsiniz. Ancaq davranışınızın digər insanlara müsbət təsir göstərməsi ehtimalı böyükdür. Həm də sizi görən insanlar sərhədlərini təyin etməyə və əsas inanclarına sadiq qalmağa başlaya bilərlər.

Həm də başqalarından görmək istədiyiniz davranışı formalaşdırın. Ətrafınızdakıların sizə hörmət etməsini istəyirsinizsə, onlara hörmət edin və ətrafınızda görmək istədiyiniz standartlara riayət edin.

Müəyyənləşdirdiyiniz sərhədləri keçsələr, bununla bağlı bir planınız olsun

Həmin an reaksiya vermək çətin ola bilər. Kimsə sizin müəyyənləşdirdiyiniz sərhədi keçsə bu sizi məyus edə bilər və nə etməli olduğunuzdan əmin olmaya bilərsiniz. Buna görə əvvəlcədən nə edəcəyinizə qərar vermək yaxşı bir fikirdir. Bir planınızın olmağı sizə daha etibarlı və inamlı hiss etdirəcək.

Soyuqqanlı olmağa çalışın

Ən yaxşı üsul vəziyyəti sakit başla idarə etməkdir. Bağırmaqdan və təhqir etməkdən çəkinin, bu vəziyyəti gərginləşdirə bilər. Bəzən həddən çox məyus olmaq özünüzə nəzarəti çətinləşdirə bilər, ancaq böyük reaksiya verməkdən çəkinmək lazımdır.

Belə vəziyyətlərdə nəzakətli davranmaq sizə daha çox səlahiyyət verir. Bu, həm də bir çox insanın yox dedikdə və ya bir sərhəd tətbiq edərkən hiss etdikləri təqsiri azaltmaq üçün bir yoldur. Nəzakətli olmağınız sizi daha az kobud və çətin bir vəziyyəti daha yaxşı idarə edə biləcəyinizi göstərir.

Sərhədlərinizi aydın şəkildə bildirin

Problemləri əvvəlcədən müəyyənləşdirmək və ətrafdakı insanlara sərhədləriniz barədə danışmaq yaxşı fikir ola bilər. Məsələn, maaşınız haqqında danışmaq istəmədiyinizi və ya kilonuzla bağlı zarafatları normal qarşılamadığınızı deyə bilərsiniz. Bunları nəzakətlə söyləmək və qarşı tərəfin nə istədiyinizi anlamağına kömək etmək yarana biləcək anlaşılmazlıqların qarşısını alır.

Bu prosesə istəklərinizi və istəmədiklərinizi, nəyə ehtiyacınız olduğunu və nə gözlədiyinizi bildirməklə başlayın. Ətrafınızdakı insanlardan düşüncələrinizi oxuyacağını gözləməyin. Bir çox halda sadəcə bir şey demək kifayətdir.